Shirinova Feruza Atxamovna
Shirinova Feruza Atxamovna
O‘zbek va xorijiy tillar kafedrasi dotsenti
pedagogika fanlari bo‘yicha falsafa doktori (PhD)
Biografiya
TARJIMAI HOL
Pedagogika fanlari bo‘yicha falsafa doktori (PhD) Shirinova Feruza Atxamovna umumiy mehnat faoliyati bo‘yicha 23 yillik ish tajribasiga ega.
1997–2001-yillarda O‘zbekiston davlat jahon tillari universitetida tahsil olib, tarjimonlik yo‘nalishi bo‘yicha bakalavr darajasini olgan. 2003-yilda O‘zbekiston davlat jahon tillari universitetida “Tarjima nazariyasi va amaliyoti” magistratura bosqichini tamomlagan. Mutaxassisligi – tarjima nazariyasi va amaliyoti. 2022-yilda Pedagogika fanlari bo‘yicha falsafa doktori (PhD) ilmiy darajasiga va 2026-yilda dotsent ilmiy unvoniga ega bo‘lgan.
Mehnat faoliyatini 2003-yilda Toshkent shahridagi Uchtepa tumanidagi 14-sonli maktabda ingliz tili o‘qituvchisi sifatida boshlagan. 2007–2011-yillarda Toshkent shahridagi Yunusobod dizayin kollejida o‘qituvchi lavozimida faoliyat yuritgan.
2011-2019-yillarda Toshkent shahridagi Toshkent farmasevtika institutida tillar kafedrasida o‘qituvchi va 2019- yil 1-sentabrdan shu yerda katta o‘qituvchi lavozimida faoliyat yuritgan.
2021-2022- yillarda Nizomiy nomidagi Toshkent davlat pedagogika universitetida tillarni intensiv o‘qitish kafedrasida katta o‘qituvchi lavozimda ishlagan.
2022- yilning sentabr oyidan hozirga qadar O‘zbekiston xalqaro islom akademiyasi Chet tillari kafedrasida katta o‘qituvchi, 2026-yildan O‘zbekiston xalqaro islomshunoslik akademiyasi O‘zbek va xorijiy tillar kafedrasi dotsenti lavozimida faoliyat yuritib kelmoqda.
Ilmiy-pedagogik faoliyati davomida ta’lim jarayoniga zamonaviy pedagogik texnologiyalarni joriy etish, chet tillarini o‘qitish metodikasini takomillashtirish hamda talabalarning kasbiy kompetensiyalarini rivojlantirish yo‘nalishlarida samarali ilmiy izlanishlar olib bormoqda.
F.A. Shirinova tomonidan yakka mualliflikda 1 ta darslik, 1 ta monografiya va 2 ta o‘quv qo‘llanma nashr etilgan.
U xorijiy ta’lim va ilmiy muassasalar tomonidan tashkil etiladigan seminar, trening va xalqaro konferensiyalarda muntazam ishtirok etib, kasbiy malakasini izchil oshirib kelmoqda. Jumladan, 2022-yilda Westminster College London tomonidan tashkil etilgan kursni bitirib TESOL sertifikatiga ega bo‘ldi. 2024-yilda TEFL sertifikatini oldi.
Ilmiy faoliyati davomida 50 dan ortiq ilmiy maqola va tezislar nashr ettirgan. Uning ilmiy ishlari xalqaro ilmiy hamjamiyat tomonidan e’tirof etilgan bo‘lib, Google Scholar platformasida h-indeksi 2, i10-indeksi 1, umumiy iqtiboslar soni 28 tani tashkil etadi. ResearchGate platformasida esa h-indeksi 3 bo‘lib, ilmiy ishlariga 25 marotaba iqtibos berilgan.
F.A. Shirinova jamoatchilik ishlarida ham faol ishtirok etib kelmoqda. Xususan, o ‘zbek va xorijiy tillar kafedrasining ilmiy ishlariga ma’sul xodim sifatida faoliyat yuritmoqda.
Ingliz va rus tillarini mukammal biladi.
Oilali. Turmush o‘rtog‘i – Shirinov Abdulla Xasanovich. Ikki nafar o‘g’il farzandi bor: Xasanxonov Javodulla Abdullayevich va Xasanxonov Asadulla Abdullayevich.