Saidova Nodirabegim Kayumovna
Mumtoz sharq filologiyasi
“Arab tili va adabiyoti al-Azhar” kafedrasi katta o‘qituvchisi
Biografiya
“Arab tili va adabiyoti al-Azhar” kafedrasi katta o‘qituvchisi Saidova Nodirabegim Kayumovna umumiy mehnat faoliyati bo‘yicha 26 yillik ish tajribasiga ega.
Mehnat faoliyatini 2000–2003-yillarda Toshkent davlat sharqshunoslik institutida “Siyosatshunoslik” mutaxassisligi bo‘yicha kunduzgi bo‘lim aspirant sifatida boshlagan.
2000–2002-yillarda Misr Arab Respublikasi elchixonasining Toshkentdagi Fan va Ta’lim Markazida missiya rahbar kotibi hamda arab tili o‘qituvchisi lavozimida ishlagan.
2002–2008- yillarda Kuvayt Davlatining O‘zbekiston Respublikasidagi elchixonasida elchixona kotibasi lavozimida ishlagan.
2009–2013-yillarda esa O‘zbekiston Respublikasi Turizm Qo‘mitasi qoshidagi Sayyohlarga xizmat ko‘rsatish va dispetcherlash markaziy boshqarmasida turizm bo‘yicha mutaxassis sifatida samarali faoliyat yuritib, 2010 yil davomida O‘zbekiston Respublikasi “O‘zbekturizm” Milliy Kompaniyasi qoshidagi Respublika ilmiy – o‘quv konsalting markazida Tur-operator va Gid tayyorlov kurslarini muvaffaqiyatli tamomladi.
2013-2018-yilda Kuvayt Davlatining sobiq Mudofaa Vaziri Shayx Nasser Sabah al-Ahmad al-Sabahning Toshkentdagi ish yurituvchisi lavozimlarida ishlagan.
2019–2024-yillarda O‘zbekiston xalqaro islom akademiyasining “Arab tili va adabiyoti al-Azhar” kafedrasi o‘qituvchisi.
2019-2022-yillarda Mirzo Ulug‘bek nomidagi O‘zbekiston Milliy universitetining sirtqi ta’lim fakultetida Psixologiya (umumiy psixologiya) yo‘nalishida tahsil olib, Psixolog-tadiqotchi bakalavr ixtisosligini olgan.
2024– hozirgi kungacha O‘zbekiston xalqaro islom akademiyasining “Arab tili va adabiyoti al-Azhar” kafedrasi katta o‘qituvchisi lavozimida faoliyat yuritmoqda.
Shu kunga qadar N.K.Saidova v 50 dan ortiq ilmiy-uslubiy ishlar muallifi bo‘lib, ular qatorida 1 ta uslubiy qo‘llanma, 50 dan ortiq ilmiy maqola va tezislar mavjud. Uning ishlari nafaqat O‘zbekiston, balki nufuzli xalqaro ilmiy jurnallar va to‘plamlarda ham chop etilgan. Ilmiy faoliyatida asosiy e’tibor arab filologiyasi, neyrolingvistika, psixolingvistika hamda psixologiya sohalaridagi dolzarb muammolarni o‘rganish va amaliyotga tatbiq etishga qaratilgan.
N.K.Saidova o‘zining ko‘p yillik mehnat faoliyati davomida zamon talablariga javob beradigan, chuqur bilimga ega kadrlarni yetishtirish tizimiga munosib hissa qo‘shib kelmoqda. Tajribali ustoz sifatida u o‘z mashg‘ulotlarida faqatgina quruq nazariya bilan cheklanib qolmay, balki interfaol usullar va zamonaviy ta'lim vositalaridan unumli foydalanadi. Bu yondashuv o‘quvchilarning nostandart fikrlashi, o‘z ustida mustaqil ishlashi hamda kelajakdagi kasbiy faoliyati uchun zarur bo‘ladigan amaliy ko‘nikmalarni pishiq egallashiga xizmat qiladi.
Shu bilan birga, N.K.Saidovaning faoliyati faqatgina auditoriya darslari bilan cheklanmaydi. U O‘zbekiston xalqaro islomshunoslik akademiyasi muhitida talabalarning komil inson bo‘lib voyaga yetishi uchun qator ijtimoiy loyiha va uchrashuvlarga bosh-qoshdir. Xususan, yoshlar qalbida o‘z xalqiga muhabbat, boy tarixiy merosimizga e’zoz va nafis didni shakllantirish, ularni axloqiy jihatdan barkamol etib tarbiyalash maqsadida muntazam ravishda turli madaniy-ma’rifiy dasturlarni hayotga tatbiq etib keladi.