Raxmanov Qurbon Sodikovich
“Zamonaviy axborot-kommunilkatsiya texnologiyalari kafedrasi mudiri”
texnika fanlari nomsodi, dotsent
Biografiya
Texnika fanlari nomzodi, dotsent Raxmanov Qurbon Sodikovich umumiy mehnat faoliyati bo‘yicha 24 yillik ish tajribasiga ega.
Mehnat faoliyatini 2002–2015-yillarda Muhammad al-Xorazmiy nomidagi Toshkent axborot texnologiyalari universiteti Dasturlash texnologiyalari kafedrasida laborant vazifasida boshlab, keyinchalik assistent, katta o‘qituvchi, dotsent va kafedra mudiri lavozimlarida faoliyat olib borgan. Shu davrda, ya’ni 2011-yilda nomzodlik ishini yoqlagan.
2015–2021-yillar davomida O‘zbekiston Respublikasi Prezidenti huzuridagi Davlat boshqaruvi akademiyasi “Axborot-kommunikatsiya texnologiyalari va “elektron hukumat” tizimi asoslari” (keyinchalik Boshqaruvda axborot-kommunikatsiya texnologiyalari) kafedrasida kafedra mudiri lavozimida faoliyat olib borgan.
2021–yilning yanvar oyidan O‘zbekiston xalqaro islomshunolsik akademiyasi “Zamonaviy axborot-kommunikatsiya texnologiyalari” kafedrasida kafedra mudiri lavozimida faoliyat olib bormoqda.
Shu kunga qadar, Q.Raxmanov 150 dan ortiq ilmiy-uslubiy ishlar muallifi bo‘lib, ular qatorida 8 ta monografiya, 6 ta darslik, 7 ta o‘quv qo‘llanma, 100 dan ortiq ilmiy maqola va tezislar mavjud.
Ilmiy faoliyatida asosiy e’tiborni tizimli tahlil, boshqaruv, axborotni qayta ishlash, jarayonlarni avtomatlashtirish kabi dolzarb sohalarda faoliyat olib bormoqda. Hozirda esa sun’iy intellektdan ta’limda samarali foydalanish va uni axborot tizimlarida qo‘llash bo‘yicha ilmiy izlanishlar olib bormoqda.
Q.Raxmanov Scopus bazasida 4 ta maqola chiqargan. Shuningdek, Oʻzbekiston Respublikasi Adliya vazirligi huzuridagi Intellektual mulk agentligidan EHM uchun yaratilgan dasturning rasmiy roʻyxatdan oʻtkazilganligi toʻg‘risidagi 9 ta guvohnoma olgan.
Q.Raxmanov rahbarligida kafedra professor-o‘qituvchilari shaxsiy ish rejalarida berilgan barcha topshiriqlarni o‘z vaqtida bajarib kelmoqda. Kafedra professor-o‘qituvcilari tomonidan ta’lim sifatini oshirish borasida zamonaviy pedagogik texnologiyalar bilan foydalanish bilan birga estudy.iiau.uz – masofaviy ta’lim portalidan ham samarali foydalanib kelinmoqda. Oraliq va yakuniy nazoratlardagi ochiqlik va shaffoflikni ta’minlash maqsadida har xil shakldagi testlar bazasini shakllantirgan holda fanlardan estudy.iiau.uz – portalida test olib kelinmoqda.
Q.Raxmanov 2021-2022-o‘quv yilidan boshlab akademiya professor-o‘qituvchilarining shaxsiy ish rejalarida berilgan bandlarni bajarilishini monitoringini yurituvchi my.iiau.uz – portalini muallifi hisoblanadi. Bu portal yildan yilga takomillashtib borilmoqda. 2022-2023 o‘quv yilidan boshlab bu portalga professor-o‘qituvchini faoliyatini o‘rganish mezonlari ko‘rsatkichlari (110 ballik) ham qo‘shildi va samarali faoliyat olib bormoqda.
2026-2027-o‘quv yilidan boshlab esa, ilmiy-pedagogik va mehnat faoliyati bilan shug‘ullanuvchi ilmiy darajaga ega xodimlarga qo‘shimcha haq belgilash to‘g‘risida ma’lumotnomani avtomatlashtish jarayonlarini qo‘shilish rejalashtirilgan, hozirda test rejimida ishlamoqda.
Q.Raxmanov hozirda DSc himoya qilish uchun ilmiy izlanishlar olib bormoqda.