Mullasodikova Nigora Miromanovna

Филология fanlari бўйича фалсафа doktori (PhD), dotsent Mullasodiqova Nigora Miromonovna umumiy ish faoliyati 36 yil, pedogogik ish faoliyati 28 yil, O‘zbekiston xalqaro islom akademiyasidagi mehnat faoliyati 27 yil.

Mehnat faoliyatini 1990-yil 11-apreldan M.Uyg‘ur nomidagi 22-o‘rta maktabda pionerlar yo‘lboshchisi vazufasidan boshlagan. 1992-yildan Toshkent davlat sharqshunoslik instituti “Arab filologiyasi” kafedrasida laborant vazifasida, 1995-yildan Toshkent davlat sharqshunoslik institutida “Arabcha-o‘zbekcha chastotali lug‘at” ilmiy guruhida operator vazifasida ishlagan. 1993-1998 yillarda Toshkent davlat sharqshunoslik institutida “Arab filologiyasi” yo‘nalishida taxsil olgan. 1998-yil sentabrdan Toshkent davlat sharqshunoslik instituti “Arab filologiyasi” kafedrasida o‘qituvchilik faoliyatini boshlagan. 1999-yil 2-noyabrdan Toshkent islom universitetida Ilmiy kengash kotibi lavozimida davom ettirdi. Shu muddat davomida o‘rindoshlik asosida o‘qituvchi lavozimida ham faoliyat olib borgan. 2001-yil
3-sentabrdan Toshkent islom universiteti “Sharq tillari” kafedrasiga asosiy shtatga o‘qituvchi, 2008-yildan katta o‘qituvchi lavozimida faoliyat olib bordi.
2023-2025-yillarda O‘zbekiston xalqaro islomshunoslik akademiyasi “Arab tili va adabiyoti al-Azhar” kafedrasi dosenti vazifasini bajaruvchi lavozimida faoliyat olib bordi. 2025-yildan hozirgacha dotsent lavozimida faoliyat olib bormoqda.

Shu kunga qadar N.Mullasodiqova 60 dan ortiq ilmiy maqolalar e’lon qilgan. 4 ta o‘quv qo‘llanma, 1 ta darslik muallifi. Dissertatsiya himoyasidan keyin sohaga oid 40 ta ilmiy ish, jumladan, ilmiy jurnallarda 22 ta ilmiy maqola, shundan 10 tasi respublika OAK ilmiy jurnallarida, 11 ta nufuzli xalqaro ilmiy jurnallarda va Scopusda 1 ta hammualliflikda ilmiy maqola nashr ettirgan.

N.Mullasodiqova O‘zbekiston xalqaro islom akademiyasidagi 26 yillik ilmiy-pedagogik faoliyati davomida bakalavr bosqichi talabalariga “Arab tili”, “Mutaxassislikga kirish”, “Sharqshunoslikga kirish”, “Arab tilini o‘qitish metodikasi”, “Tarjima nazariyasi”, “Balog‘at ilmi”, “Rasmiy hujjatlar tarjimasi” kabi fanlardan dars olib bordi. U mazkur fanlarning o‘quv-uslubiy majmualari, fan dasturlari va sillabuslarini ishlab chiqishda ishtirok etdi.

N.Mullasodiqova pedagogik faoliyati davomida yuqori malakali mutaxassislar tayyorlash, o‘qitish jarayoniga ilg‘or ta’lim texnologiyalarini joriy etish, talabalarning mustaqil fikrlash qobiliyati va amaliy ko‘nikmalarini rivojlantirish borasida salmoqli ishlar amalga oshirgan. Uning darslari zamonaviy yondashuvlar va innovatsion metodlar asosida olib borilib, talabalarning nazariy bilimlari bilan bir qatorda, ularning amaliy tajribasini shakllantirishga qaratilgan.

N.Mullasodiqova har o‘quv yilida O‘zbekiston xalqaro islomshunoslik akademiyasida ma’naviy-ma’rifiy, madaniy va tarbiyaviy tadbirlar o‘tkazadi. Talaba-yoshlarni vatanparvarlik ruhida tarbiyalash, milliy-ma’naviy qadriyatlarga hurmat hissini shakllantirish hamda ularning estetik tafakkurini yanada rivojlantirish maqsadida turli tarbiyaviy ishlar olib boradi.