Karimov Farxod Erkinovich
Islom iqtisodiyoti va xalqaro munosabatlar fakulteti dekani v.b.
Siyosiy fanlar doktori, professor
Biografiya
Karimov Farxod Erkinovich 1987-yil Buxoro shahrida tug‘ilgan, millati o‘zbek. Ma’lumoti oliy, 2009-yilda Toshkent davlat sharqshunoslik institutining Xalqaro munosabatlar va iqtisod fakultetida Siyosatshunoslik yo‘nalishini, 2011-yilda mazkur fakultetning magistratura bosqichini tamomlagan. Siyosiy fanlar doktori, professor.
Mehnat faoliyatini 2011-yilda A.Avloniy nomidagi xalq ta’limi xodimlarini qayta tayyorlash va malakasini oshirish institutida metodist lavozimidan boshlagan.
2012-2024-yillar davomida Toshkent davlat sharqshunoslik institutida stajyor tadqiqotchi va katta-ilmiy xodim sifatida faoliyat yuritgan.
F.Karimov 2015-2022-yillar davomida A.Avloniy nomidagi malaka oshirish institutida "Pedagogik xizmatlar" markazi direktori, Ma’naviyat kafedrasi mudiri, O‘quv ishlari bo‘yicha prorektor, Ilmiy ishlar va innovatsiyalar bo‘yicha prorektor lavozimlarida faoliyat yuritgan.
Malaka oshirish institutidagi mehnat faoliyati davomida respublika miqyosida jami 80 dan ortiq pedagogik va kasbiy qayta tayyorlash kurslarini tashkil etib, umumiy hisobda 3000 dan ortiq tizim xodimlarini qayta tayyorlash kurslaridan o‘tkazishga rahbarlik qilgan.
F.Karimov 2021-yilda umumiy o‘rta ta’lim maktablari o‘qituvchilari va direktorlarining “Kasb standarti”ning ishlab chiqilishi va joriy etilishida asosiy ijrochilaridan biri bo‘lgan.
F.Karimov ta’limi tizimi xodimlarining malakasini oshirish tizimi tubdan yangilanishida (an’anaviy davriylikka asoslangan 5 yilda 1 marotaba malaka oshirish tizimi Uzluksiz kasbiy rivojlanish tizimiga transformatsiya qilinishida) faol ishtirok etgan. Shuningdek, 500 mingdan ortiq tizim xodimlarining bir vatqning o‘zida malakasini oshirishini tashkil etish imkonini bergan “Uzluksiz kasbiy ta’lim” maxsus elektron platformasini ishlab chiqish va amaliyotga muvaffaqiyatli joriy etishda asosiy ijrochi bo‘lgan. Mehnat faoliyati davomida 16 ta xalqaro va milliy ilmiy-amaliy loyihalarni amalga oshirgan.
2022-yil sentyabrdan O‘zbekiston xalqaro islom akademiyasida Xalqaro munosabatlar va ijtimoiy fanlar kafedrasi dotsenti va mazkur kafedraning mudiri vazifasida faoliyat yuritgan. 2025-yil mart oyidan Islom iqtisodiyoti va xalqaro munosabatlar fakulteti dekani vazifasini bajarib kelmoqda.
F.Karimov tomonidan ilmiy faoliyati davrida jami 100 dan ortiq ilmiy ish, shu jumladan, 3 ta ilmiy monografiya, 60 dan ortiq ilmiy maqola va tezislar, 2 ta o‘quv qo‘llanma, 1 ta darslik va 7 ta o‘quv-uslubiy ishlar nashr ettirilgan.
F.Karimov oilali, 3 (uch) nafar farzandning otasi.