Jo'rayeva Nargiza Jamoldinovna
Din psixologiyasi va pedagogika kafedrasi dotsenti
Pedagogika fanlari doktori (DSc)
Jo‘rayeva Nargiza Jamolidinovna
Biografiya
Pedagogika fanlari doktori, dotsent Jo‘rayeva Nargiza Jamolidinovna umumiy mehnat faoliyati bo‘yicha 28 yillik ish tajribasiga ega. 1994-1998- yillarda Farg‘ona davlat universitetini tamomlagan.
Mehnat faoliyatini 1998-1999 -yilllarda Farg‘ona tumanidagi 58 -maktabda boshlagan. 1999-2019 -yilllarda Farg‘ona shahar maishiy xizmat va pedagogika kolleji maxsus fan o‘qituvchisi, 2019-2020 yillarda Farg‘ona davlat universiteti maktabgacha va boshlang‘ich ta’lim fakulteti o‘qituvchisi, 2020-2022- yillarda Qarshi davlat universitetining boshlang‘ich ta’lim kafedrasida o‘qituvchi, 2022-2023-yillarda O’zbekiston xalqaro islom akademiyasi ta’lim sifatini nazorat qilish bo’limida bosh mutaxassis lavozimida ishlagan. 2023-2025 yillarda “Alfraganus university” nodavlat oliy talim tashkiloti `“Pedagogika va psixologiya” kafedrasi dotsenti, 2025-yildan O’zbekiston xalqaro islomshunoslik akademiyasi “Din psixologiyasi va pedagogika” kafedrasi dotsenti lavozimida faoliyat yuritmoqda.
Shu kunga qadar N.Jo‘rayeva 50 ga yaqin ilmiy-uslubiy ishlar muallifi bo‘lib, ular qatorida 2 ta monografiya, 1 ta darslik, 2 ta o‘quv qo‘llanma, 40dan ortiq ilmiy maqola va tezislar mavjud. Uning ishlari nafaqat O‘zbekiston, balki nufuzli xalqaro ilmiy jurnallar va to‘plamlarda ham chop etilgan. Ilmiy faoliyatida asosiy e’tibor ta’lim menejmenti va bo’lajak o‘qituvchilarni integrativ o‘qitishga metodik tayyorlash muammolarni o‘rganish va amaliyotga tatbiq etishga qaratilgan.
N.Jo‘rayeva pedagogik faoliyati davomida yuqori malakali mutaxassislar tayyorlash, o‘qitish jarayoniga ilg‘or ta’lim texnologiyalarini joriy etish, talabalarning mustaqil fikrlash qobiliyati va amaliy ko‘nikmalarini rivojlantirish borasida salmoqli ishlar amalga oshirgan. Uning darslari zamonaviy yondashuvlar va innovatsion metodlar asosida olib borilib, talabalarning nazariy bilimlari bilan bir qatorda, ularning amaliy tajribasini shakllantirishga qaratilgan.
Shu bilan birga, N.Jo‘rayeva qator xalqaro grant va hamkorlik loyihalarida ham faoliyat yuritib, Toshkentdagi AQSH Elchixonasi tomonidan moliyalashtirilgan 2021-2023 yillarda bajarilgan "Reinforcing English Language Competence at Karshi State University" xalqaro loyihasida ishtirok etdi. QarDU Xabarlari ilmiy-nazariy va uslubiy jurnali tahrir hay’ati azosi hisoblanadi.
N.Jo‘rayeva ilmiy rahbar sifatida ham samarali faoliyat yuritib, uning rahbarligida bir qator magistrlik dissertatsiyalari muvaffaqiyatli himoya qilingan. Shuningdek bugungi kunda PhD ilmiy darajasi uchun rahbarlik qilmoqda.