Fayziyeva Mahbuba Rahimjonovna
FAYZIYEVA MAXBUBAXON RAXIMJONOVNA
Oʻzbekiston xalqaro islomshunoslik akademiyasi Zamonaviy axborot kommunikatsiya texnologiyalari kafedrasi professori
Biografiya
MAʼLUMOTNOMA
FAYZIYEVA MAHBUBA RAXIMJANOVNA
Fayziyeva Mahbuba Raximjanovna 1999 – 2003 yillar davomida Nizomiy nomidagi Toshkent davlat pedagogika universiteti matematika-informatika ixtisosligi bо‘yicha tahsil olgan. 2001-2002 yillar “Eng yaxshi talaba” hamda 2002-2003 yillarda “Mirzo Ulug‘bek nomidagi davlat stipendiyasi” sovrindori bо‘lgan.
2003-2005 yillar davomida О‘zbekiston Milliy universitetida “Amaliy matematika va axborot texnologiyalari” mutaxassisligi bо‘yicha magistratura bosqichida tahsil olgan.
Mehnat faoliyatini 2001 yil Shayxontoxur tumani 76-maktabda matematika fani о‘qituvchisi lavozimida boshlagan. 2002-2003 yillar Sergeli politexnika kasb-hunar kolleji informatika fani о‘qituvchisi, 2003-2004 yillar Moliya akademik litseyi informatika fani о‘qituvchisi, 2005 yildan 2015 yilgacha Toshkent davlat pedagogika universiteti Axborot texnologiyalari markazi muhandis dasturchisi lavozimida faoliyat yuritgan.
2015-2017 yillarda Bosh ilmiy metodik markazning tayanch doktoranturasida tahsil olgan. Shu bilan birga, M.Fayziyeva Bosh ilmiy-metodik markaz, London Metropoliten universiteti, British konsul hamkorligida ishlab chiqilgan rahbar kadrlarni qayta tayyorlash va malakasini oshirish о‘quv reja va dasturlari hammuallifi.
2017 yili fizika-matematika fanlari doktori, professor M.Aripov rahbarligida 13.00.06 – Elektron ta’lim nazariyasi va metodikasi yо‘nalishi “О‘quv jarayoniga moslashuvchi Web tizimlar” mavzusida bо‘yicha pedagogika fanlari bо‘yicha PhD dissertatsiyasini himoya qilgan. 2021 yilda ushbu yо‘nalish bо‘yicha dotsent, 2022 yilda esa professor ilmiy unvonini olgan.
2023 yilda fizika-matematika fanlari doktori, professor M.Aripov rahbarligida 13.00.06 – Elektron ta’lim nazariyasi va metodikasi yо‘nalishi “Raqamli transformatsiya sharoitida ta’lim platformasini yaratish va amaliyotga joriy etish” mavzusida pedagogika fanlari doktori(DSc) dissertatsiyasini himoya qilgan.
Shuningdek, 2012-2019 yillarda pedagog kadrlarni qayta tayyorlash va malaka oshirish tarmoq markazida Elektron pedagogika, Virtual ta’lim texnologiyalari, Ta’limda ilg‘or axborot kommunikatsiya texnologiyalari, Raqamli ta’lim texnolgiyalari bloki modullaridan dars bergan.
M.R.Fayziyeva kafedrada o‘qitiladigan “Web dasturlash”, "Axborotni izlash va ajratib olish" “Kiberxavfsizlik siyosati”, “Kiberxavfsizlik asoslari”, “Multimedia injiniringi”, “Multimedia va dizayn” va “Turizmda geoaxborot tizimlari” kabi fanlaridan dars berib kelmoqda. Kafedrada o‘qitiladigan bir qancha fanlardan ta’lim texnologiyalari, ishchi va fan dasturlarni yaratishda o‘z xissasini qo‘shib kelmoqda.
M.Fayziyeva 2016-2017 yillarga mo‘ljallangan yosh olimlar fundamental va amaliy tadqiqotlar ilmiy texnika dasturlari, 2015-2017 yillarga mo‘ljallangan amaliy tadqiqotlar Davlat ilmiy-texnika dasturlari, 2021-2022 yillarda YUNESKO ning “Adaptation and scaling up the approaches to teacher training in Uzbekistan” loyihalari a'zosi sifatida faoliyat olib borgan bo‘lib, uning ilmiy va uslubiy ishlarida olib borgan tadqiqotlari natijalari hamda yaratgan metodik tavsiyalari o‘z aksini topgan. YUNESKO hamda Britaniya elchixonasi kо‘magi asosida tashkil etilgan seminar treninglar moderatori hamda YUNESKOning AKT sohasi bо‘yicha mutaxassisi hisoblanadi.
M.Fayziyeva 110 dan ortiq o‘quv va ilmiy-uslubiy ishlar nashr etilgan. Shundan, 3 ta monografiya, 14 ta darslik, 7 ta o‘quv qo‘llanma, 6 ta metodik qo‘llanma, va 8 dan ortiq dasturiy mahsulotlar uchun intellektual mulk agentligining guvohnomalarini qо‘lga kiritgan. 80 dan ortiq ilmiy maqola, tezislari Respublika hamda xorijiy ilmiy jurnallari va amaliy konferensiya to‘plamlarida e’lon qilingan. Shulardan 3 ta o‘quv qo‘llanma uchun o‘quv adabiyotlar grifi, 6 ta darslik uchun mualliflik huquqini tasdiqlovchi sertifikat, 1 ta o‘quv qo‘llanmasi Oliy va o‘rta maxsus ta’lim Vazirligining “Eng yaxshi o‘quv adabiyoti” nominatsiyasi bo‘yicha 1-darajali diplomi bilan taqdirlangan.
2021 yilda “O‘zbekiston Respublikasi Xalq ta’limi a’lochisi”, 2023 yilda “O‘zbekiston Respublikasi Xalq ta’limi fidoyisi” ko‘krak nishoni bilan taqdirlangan.
2024 yildan xozirga qadar O‘zbekiston xalqaro islomshunoslik akademiyasi “Zamonaviy axborot kommunikatsiya texnologiyalari” kafedrasida o‘rindoshlik asosida faoliyat yuritib kelmoqda.