Akmalxanov Akmalxon Ahmad o'g'li
Mumtoz sharq filologiyasi fakulteti “Arab tili va adabiyoti al-Azhar” kafedrasi dotsenti, filologiya fanlari bo‘yicha falsafa doktori, PhD
Biografiya
“Arab tili va adabiyoti al-Azhar” kafedrasi dotsenti, filologiyasi fanlari bo‘yicha falsafa doktori, PhD Akmalxanov Akmalxon Ahmad o‘g‘li umumiy mehnat faoliyati bo‘yicha 9 yillik ish tajribasiga ega.
Mehnat faoliyatini 2017-2018 yillarda Toshkent islom universiteti qoshidagi akademik litseyda boshlagan. 2018-2020 yillarda O‘zbekiston xalqaro islomshunoslik akademiyasi tayanch doktoranti bo‘lgan. 2021-2024 yillarda O‘zbekiston xalqaro islomshunoslik akademiyasi Arab tili va adabiyoti al-Azhar kafedrasi katta o‘qituvchisi lavozimida faoliyat yuritgan. 2025- yildan hozirgacha O‘zbekiston xalqaro islomshunoslik akademiyasi Arab tili va adabiyoti al-Azhar kafedrasi dotsenti lavozimida faoliyat yurityapti.
Shu kunga qadar A.Akmalxanov 70 dan ortiq ilmiy-uslubiy ishlar muallifi bo‘lib, ular qatorida 3 ta monografiya, 1 ta darslik, 4 ta o‘quv qo‘llanma, 60 dan ortiq ilmiy maqola va tezislar mavjud. Uning ishlari nafaqat O‘zbekiston, balki nufuzli xalqaro ilmiy jurnallar va to‘plamlarda ham chop etilgan. Ilmiy faoliyatida asosiy e’tibor arab tili klassik grammatikasi, arab tili amaliy grammatikasi va boshqa bir qator sohalardagi dolzarb muammolarni o‘rganish va amaliyotga tatbiq etishga qaratilgan.
A.Akmalxanov pedagogik faoliyati davomida yuqori malakali mutaxassislar tayyorlash, o‘qitish jarayoniga ilg‘or ta’lim texnologiyalarini joriy etish, talabalarning mustaqil fikrlash qobiliyati va amaliy ko‘nikmalarini rivojlantirish borasida salmoqli ishlar amalga oshirgan. Uning darslari zamonaviy yondashuvlar va innovatsion metodlar asosida olib borilib, talabalarning nazariy bilimlari bilan bir qatorda, ularning amaliy tajribasini shakllantirishga qaratilgan.
Shu bilan birga, A.Akmalxanov xalqaro ta’lim muassalarida malaka oshirgan. A.Akmalxanov ilmiy rahbar sifatida ham samarali faoliyat yuritib, uning rahbarligida bir qator bakalavr bitiruv malakaviy ishlari va magistrlik dissertatsiyalari muvaffaqiyatli himoya qilingan.