ДИПЛОМАТИЯ ВА БИЗНЕС ЭТИКЕТ

Ўқув қўлланма Ўзбекистон Республикаси Президентининг 2018 йил 5 майдаги “Фаол тадбиркорлик ва инновацион фаолиятни ривожлантириш учун шарт-шароитларни яратиш бўйича қўшимча чора-тадбирлар тўғрисида”ги ПҚ-3697 – сонли қарори ижросини таъминлаш мақсадида тайѐрланган. Мазкур иш Тошкент давлат иқтисодиѐт университети (ТДИУ) Жаҳон иқтисодиѐти кафедрасининг Ўзбекистон Республикаси Президенти ҳузуридаги Давлат бошқаруви академияси билан инновацион-корпоратив ҳамкорлиги доирасида бажарилган. Ўқув қўлланмада халқаро дипломатиянинг пайдо бўлиш тарихи, унинг асосий шакллари ва тамойиллари, ҳозирги замон дипломатияси ва дипломатик хизмати, халқаро муносабатлари ўз ифодасини топган. Қўлланмада дипломатиянинг назарий тамойиллари ва амалий жиҳатлари дунѐнинг етакчи мамлакатлари тажрибалари асосида очиб берилган. Ишда шунингдек, дипломатия масалаларини акс эттирувчи материаллар, протокол ва этикет қоидалари, меъѐрлари ва тамойиллари ҳамда одоб-аҳлоқ нормалари хронологик кетма-кетлик асосида ўрганилган ва кенг ѐритилган. Ўқув қўлланма материаллари ташқи иқтисодий фаолиятда қатнашувчи ишбилармон тадбиркорларнинг хорижий сафарларда бўлишлари чоғида музокоралар ва суҳбатлар олиб бориш, зиѐфатлар ва қабуллар уюштириш вақтида риоя қилишлари зарур бўлган билим ва кўникмаларни етказиш учун мўлжалланган. Муаллифлар томонидан тайѐрланган ушбу китоб 5231100-Жаҳон иқтисодиѐти ва халқаро иқтисодий муносабатлар соҳасида таълим олаѐтган талабалар, олий таълим муассасалари битирувчилари ва мутахассислар, шунингдек ташқи иқтисодий фаолиятда иштирок этувчи ишбилармон тадбиркорлар ва бизнесменлар учун қўлланма сифатида тавсия этилади.

Мирқосимов С.М., Юсупов А.С. 0.00 5 0 0 mavjud