YANGI O’ZBEKISTON VA XALQARO MOLIYA INSTITUTLARI HAMKORLIGI: MUAMMOLARI VA RIVOJLANISh ISTIQBOLLARI

О книге

Iqtisodiy taraqqiyotning hozirgi bosqichida xalqaro moliya institutlarining jahon moliya tizimining bir qismi sifatida shakllanishi va amal qilishining nazariy asoslari uning moliyaviy-iqtisodiy munosabatlari, shu jumladan, xalqaro kapital harakatining dolzarb makroiqtisodiy kontseptsiyalari bilan belgilanadi. Ushbu monografik tadqiqotda iqtisodiyotdagi tarkibiy o‘zgarishlarni moliyaviy qo‘llabquvvatlashga bag‘ishlangan ilmiy qarashlar umumlashtirilib, mualliflik nuqtai nazari ishlab chiqilgan. Xalqaro moliyaviy institutlar tasniflangan va ularning faoliyat yo‘nalishlari tahlil qilingan. Milliy iqtisodiyot tarkibini o‘zgartirishda xalqaro moliya institutlarining mablag‘larini jalb qilish borasidagi xorijiy mamlakatlar tajribasi tadqiq etilgan va undan O‘zbekistonda foydalanish yuzasidan takliflar kiritilgan. Milliy iqtisodiyotdagi tarkibiy o‘zgarishlarning ustuvor yo‘nalishlari tahlil qilingan va mavjud muammolar aniqlangan. O‘zbekiston iqtisodiyotidagi tarkibiy o‘zgarishlar jarayoniga xalqaro moliya institutlarining jalb qilinayotgan mablag‘lari va ularning respublikada olib borayotgan faoliyati tahlil qilingan. Monografiyada O‘zbekiston iqtisodiyotidagi tarkibiy o‘zgarishlarning istiqbolli yo‘nalishlari tadqiq etilgan hamda ularni moliyalashtirishda xalqaro moliya institutlari rolini oshirish yuzasidan ilmiy taklif va amaliy tavsiyalar ishlab chiqilgan.