АМАЛИЙ МАТНШУНОСЛИК

О книге

“Матншунослик амалиёти” ўқув қўлланмаси филологиянинг қўлёзма китобларни ҳаётга қайтаришни оптималлаштириш билан боғлиқ бўлган амалий масалаларини ҳал этиш методларига бағишланган. Бу фан матншуносликнинг умумий назарияси ютуқларига таянибгина қолмасдан, унинг ривожланишига ҳам таъсир кўрсатади. Амалий матншунослик адабиётшуносликнинг, адабий ва тарихий манбашуносликнинг асосидир. Матнларни тиклаш ва уларга илмий ёндашув куртаклари юртимизда адабий меросимизнинг литографик нашрлари юзага келиши билан пайдо бўлган бўлса, ХХ асрнинг 20-йилларидан янги босқичга қадам қўйди, Навоий асарларини нашр этиш билан қад ростлади. Амалий матншуносликнинг миқёсини амалда, доимо, маданий-маънавий эҳтиёж белгилаб келган. Бу соҳани чуқур ўрганиш давр талабига айланди ва шу боис у ўқув предмети сифатида белгиланди. Ўқув қўлланма икки бўлимдан иборат бўлиб, биринчи бўлимда қўлёзмаларни нашрга тайёрлаш ишлари, иккичисида уларнинг устида тадқиқот олиб бориш методлари юзасидан машғулотларни ўз ичига олади. Ўқув қўлланма филология йўналишида таълим олаётган талабаларга ва ёзма ёдгорликларни босма китобларга айланиш асослари билан қизиқувчиларга мўлжалланган.